ایڈمنسڑیٹر کورنگی ساجدہ قاضی کامیونسپل کمشنر فہیم خان ۔خالد ملاح ۔جاوید بھائیو کے ہمراہ مختلف لائبریریز کا  چار گھنٹے طویل دورہ۔صفائی وستھرائی بعض بلڈنگوں کی خراب صورتحال۔ اسٹاف کی عد م موجودگی پر شدید ناراضگی کا اظہار۔تفصیلات مطابق ایڈمنسڑیٹر کورنگی ساجدہ قاضی نے میونسپل کمشنر فہیم خان ۔خالد ملاح۔جاوید بھائیو و دیگر کے ہمراہ عوامی شکایات پر مختلف لائبریریز کا دورہ کیا انہوں نے محمد علی جناح لائبریری میں صفائی ستھرائی کے حوالے سے اپنے تحفظات کا اظہار کیا اور معاملات کو جلد بہتر بنانے کی ہدایات دی ۔انہوں نے مزید کہا کہ مطالعہ ایک ایسی عادت ہے جو انسان کی زندگی میں فکر وشعور کی نئی راہوں کو متعین کرتی ہے۔جب تک ہم مطالعے کے فروغ کے لئے بھرپور مواقع فراہم نہیں کریں گے  تو معاشرے میں دیگر غلط سرگرمیوں کی روک تھام میں اپنا کردار نہیں اداکرسکیں گے۔ انہوں نے جوھر لائبریری کی ازسر نو جلداز جلد تعمیر کے حوالے سے ہدایات دیتے ہوئے کہاکہ مین روڈ ہونے کے باوجود بھی لائبریری پر توجہ نہیں دی گئی جگہ جگہ سے ٹوٹ پھوٹ کاشکار ہونے کی وجہ متعلقہ محکمے کی لاپروائی  ہے انہوں نے مولوی عبدالحق لائبریری کے دورے کے موقع پر انچارج لائبریری کی عدم موجودگی پر ان کوشوکاز نوٹس جاری کرنے کی بھی ہدایت دی۔انہوں مزید کہا لائبریری ان طلبہ و طالبات کے بہت اہمیت کی حامل ہوتی ہےجو اپنی تعیلم کو جاری رکھنے کے لئے مہنگی کتب سے مفت میں استفادہ حاصل کرتے ہیں اگر لائبریوں کی حالت زار خراب ہو گی تو سب سے زیادہ پریشانی ان طالبعلموں کو ہوگی جو  روزانہ ان سے تعلمیی مدد حاصل کرتے ہیں ۔انہوں ڈائریکٹر لائبریریز میڈم امت المعبود عارفہ کی سختی سے ہدایات کی وہ تما م لائبریری میں اسٹاف کی حاضری ۔صفائی ستھرائی۔طالبعلموں کے لئے بہترین ماحول کی فراہمی کو یقینی بنائیں اور اگر انہیں کسی قسم کی پریشانی یا مسئلےکے حل کےلئے انکی مدد درکار ہو تو وہ ان سےرابطہ کرسکتی ہیں۔  انہوں کہا کہ ان کی کوشش ہے کہ بلدیہ کورنگی میں موجود  ان لائبریوں کی تزئین وآرائش پر زیادہ توجہ دے جاۓ جہاں طالبعلموں کی رسائی با آسانی ہوسکے۔

سٹرکٹ کورنگی میں صاف ستھرا سرسبز ماحول کا قیام اور عوام بلدیاتی مسائل سے نجات ہماری اولین ترجیح ہونی چاہیئے۔ساجدہ قاضی
افسران و ملازمین دفتری اوقات کی پابندی یقینی بنائیں اور عوامی خدمات کے حوالے سے تمام تر محکمانہ کاوشوں کو بروئے کار لایا جائے
ایڈمنسٹریٹر کا منصب سنبھالنے کے بعد ساجدہ قاضی کا محکمہ جاتی سربراہان کے ہمراہ شاہ فیصل،ملیر ماڈل،کورنگی اور لانڈھی زونز کا دورہ
ساجدہ قاضی نے ایڈمنسٹریٹر بلدیہ کورنگی کا چارج سنبھال لیا،چارج سنبھالنے کے بعدمختلف محکمہ جاتی سربراہان کی میٹنگ میں ایڈمنسٹریٹر بلدیہ کورنگی ساجدہ قاضی نے کہاکہ ڈسٹرکٹ کورنگی میں صاف ستھرا سرسبز ماحول کا قیام اور عوام کو بلدیاتی مسائل سے نجات دلانا ہماری اولین ترجیح ہونی چاہیئے انہوں نے تمام محکمہ جاتی سربراہان سے کہا کہ وہ خود اور اپنے ماتحت ملازمین کو دفتر کی پابندی یقینی بنا ئیں اور عوامی خدمات کے حوالے سے تمام تر محکمانہ کاوشوں کو بروئے کار لایا جائے ایڈمنسٹریٹر ساجدہ قاضی نے کہاکہ عوامی خدمات کے حوالے سے کسی بھی قسم کی غفلت اور لاپرواہی کا مظاہرہ ہر گز برداشت نہیں کیا جائیگا بعد ازاں انہوں نے شاہ فیصل،ملیر ماڈل،کورنگی اور لانڈھی زونز کا دورہ کیا اس موقع پر بلدیہ کورنگی کے تمام محکموں کے سربراہان بھی ان کے ہمراہ موجود تھے ایڈمنسٹریٹر بلدیہ کورنگی نے ہدایت کی کہ شاہراہوں کے ساتھ اندرون گلیوں کی بھی صفائی وستھرائی کے عمل کویقینی بنا یا جائے علاقائی سطح پر روشن ماحول کے قیام کے لئے اسٹریٹ لائٹس کی مرمت کی جائے انہوں نے محکمہ پارکس کو ہدایت کی کہ تمام فیملی پارکس،گرین بیلٹس اور شاہراہوں کی سنٹرل آئی لینڈ کو سرسبز بنا یا جائے انہوں نے تمام محکموں کے افسران وملازمین کو ہدایت کی کہ نیک نیتی اور ایمانداری کے ساتھ فرائض کی ادائیگی کو یقینی بنا تے ہوئے عوام کو بنیادی مسائل سے چھٹکارہ دلا نے کے لئے عملی کوششوں کو جاری رکھا جائے۔

سرسبز وشاداب خوبصورت ماحول کی فراہمی ۔انفراسٹکچر کے بحالی کا عزم لئے ساجدہ قاضی نے بحثیت ایڈمنسڑیٹر کورنگی کا عہدہ سنبھال لیا۔انہوں نے افسران سے گفتگو کرتے ہوئے کہا کہ سرسبز و شاداب کورنگی اور عوام کو بہتر بلدیاتی سہولیات کی احسن طریقے سے فراہمی انکا مشن ہے جس کے لیے ٹیم ورک سے کاموں کو انجام دیا جائے گا۔ بعد ازاں انہوں نے چاروں زونز کا بھی دورہ کیا۔